| 
|
Y
'Ffordd Mas’ i sain newydd Fflur Dafydd
Ar
ôl profi chwyldro y gitâr drydanol, mae
Fflur Dafydd wedi cefnu ar ei steil acwstig blaenorol
ac wedi ychwanegu dimensiwn newydd a chyffrous i’w
sain unigryw. Dyma ddechrau siwrne gerddorol newydd
i Fflur Dafydd a’r Barf, ac o ganlyniad mae Rasal
yn falch cael cyflwyno Un Ffordd Mas,
ail albwm hir-ddisgwyliedig y band, a fydd yn cael ei
lansio’n swyddogol yn y Cwins, Caerfyrddin ar
Dachwedd 16ain.
Mae’r
albwm, sy’n sy’n llwyddo i fod yn ddi-amser
yn ogystal ag i’r-funud, yn cynnwys toreth o draciau
egnïol, angerddol a chofiadwy wedi’u cyfansoddi
gan y gantores-gyfansoddwraig o Gaerfyddin. Mae’r
chwarae byw rhyngddi hi a’r Barf wedi’i
drosglwyddo’n ddi-drafferth i’r albwm ac
mae’n amlwg ein bod yng nghwmni cyfansoddwraig
grefftus, gwahanol-i’r-arfer..Mae dylanwad soul
i’w glywed yn gryf ar yr albwm, gyda’r caneuon
wedi’u haenu gydag offerynau trydanol ac acwstig,
gan gyfuno curiadau ffres a rhythmig gyda chanu angerddol,
hypnotig.
Yn
ogystal â chynnwys Helsinki, y sengl
boblogaidd a gafodd ei rhyddhau yn gynharach eleni,
a’r sengl Dala Fe Nôl, mae’r
albym hefyd yn cynnwys traciau newydd sbon a rheiny
yn gyforiog o hiwmor tywyll, straeon swreal, ac agwedd-afieithus,
wrth i Fflur ddychwelyd i’w gwreiddiau storïol,
a chreu cast o gymeriadau unigryw ar gyfer ei chaneuon.
Mae trac agoriadol, er enghraifft yr albym Sa Fan
‘Na yn fath o gân-brotest sy’n
ymateb i’r rheiny sy’n mynnu y dylai’r
band ganu yn Saesneg, tra bod Pan Oeddwn Fachgen,
yn faled tafod-mewn-boch am artist gwrywaidd ar y Sin
Roc Gymraeg sy’n colli ei apêl wedi dyfodiad
artist benywaidd mwy llwyddiannus.
Mae
hefyd traciau mwy addfwyn i’w glywed ar yr albwm
sy’n llawn soul melodiaidd a thyner,
sy’n dangos hyblygrwydd dawn gyfansoddi Fflur,
yn ogystal â’i aml-ochredd lleisiol.
Bu
eleni’n flwyddyn brysur i Fflur Dafydd a’r
Barf o ran sesiynau radio a theledu, wrth iddyn nhw
recordio fideo i Bandit, ymddangos ar raglen Yr
Ystafell Werdd gyda Bethan Elfyn a recordio Sesiwn
C2. Fe fu’r band hefyd ar daith fawreddog
o gwmpas Cymru yr Haf hwn, gan ymddangos mewn gwyliau
poblogaidd yng Nghymru yn ogystal â Chroatia,
yr Unol Daleithiau a’r Iseldiroedd. Ynghanol y
daith, fe gymrodd y band saib fer yn stiwdio Sonic One,
Llangennech i gwblhau’r albwm gyda’r cynhyrchydd
Tim Hamill.
Ychwanegodd
Fflur,
“Roedd recordio ynghanol y daith yn gwbl
hanfodol. Roedden ni’n awyddus iawn i ddal y teimlad
byw yna sy’n dod wrth chwarae’n gyson, fel
bod y perfformiad yn y stiwdio yn un ffres, cyffrous,
unedig, ac yn rhoi personoliaeth arbennig i’r
caneuon.”
Bydd
Un Ffordd Mas ar gael trwy siopau Cymraeg
ar ddydd Llun 19eg o Dachwedd ac yng ngweddill Prydain
ar ddydd Llun 26ain o Dachwedd. Mae hefyd yn bosib ei
brynu’n uniongyrchol o Sain,
neu yn ddigidol trwy iTunes. Caiff yr albwm ei ddosbarthu
gan Sain yng Nghymru a thrwy SRD yng ngweddill Prydain.
Cysylltwch
â Nerys Lloyd ar y cyfeiriad isod am luniau a
mwy o wybodaeth.
Dyddiadau
Taith Fflur Dafydd a’r Barf:
24 Hyd Gwyl Gelfyddydol Merthyr, 26 Hyd Ty
Siamas, 31 Hyd Canolfan Dylan Thomas, 3 tach Gig Rhyngol,
16 Tach Lansiad Cwins Caerfyrddin, 24 Tach Gwyl Crossing
Borders, 8 Rhag Tafarn Ty Newydd
www.myspace.com/fflurdafydd
|
|
